Eu son eu (David Figueiredo Díaz)

 

Libro ilustrado con texto de Fina Casalderrey e ilustracións de Josep Vicó. Na cuberta, de pasta branda, presenta unha imaxe central na que se observa a unha anciá e unha nena ao carón dunha mesa, que observan unha pota da que emerxen bólas de xabón. Na parte superior aparece o título en letras maiúsculas e inmediatamente debaixo os nomes da autora e o ilustrador. No lateral esquerda da cuberta aparecen os datos da editorial e da colección. Na contracuberta aparece un resumo do libro.

Xa no interior, as imaxes ocupan a maior parte das páxinas, mentres que o texto está formado por frases moi breves. É de sinalar que en cada dobre páxina o texto aparece en letra redonda e letra maiúscula. A bisavoa non recorda nada. Viste os pantalóns pola cabeza, fai sopa con xabón, pérdese na súa propia casa... aínda que cada vez que se achega a bisneta é capaz de expresar con emoción “Ah, es ti!”

A lectura deste libro ilustrado é interesante para a Educación Primaria por abordar o drama das familias que teñen membros con alzheimer no seu fogar. Cóntao dunha forma humorística, na que a/o nena/o non é consciente da enfermidade que padece a bisavoa e do que sofre a súa familia. Penso que é una actividade moi proveitosa para o alumnado de 6 a 12 anos porque dalgunha maneira aproxima ao lectorado a unha realidade non doada de abordar e da que facelos conscientes.

Entre os recursos sobre esta obra saliento: RZ100arte (sd). 12+1 pregunta a Fina Casalderrey. Recuperado de https://rz100arte.com/121-preguntas-fina-casalderrey/, blog no que lle fan preguntas a Fina Casalderrey e que é de interese para coñecer a forma de pensar da autora.