Publicacións
Villar, Helena (2019). Fina, a pirata. Ilust. Abi Castillo.
Vigo: Galaxia, col. Álbumes, 40 pp. (ISBN: 978-84-9151-354-4).
Este álbum ilustrado presenta un formato de tapa grosa e dura, concretamente unha encadernación en cartoné. Na súa cuberta atopamos en primeiro plano a imaxe de Fina, a protagonista da obra, que sostén na súa man uns anteollos, acompañada doutros debuxos como poden ser por exemplo: unha onda do mar, unha palmeira, a cola dunha serea, unha áncora sostida por una corda… Todos eles relacionados coa temática sobre a que versa a obra; o mar e os piratas. Tamén na cuberta, entre todos eses debuxos, atopamos o título da obra, cunha tipografía máis grosa coa finalidade de destacar sobre o demais. Xusto debaixo do título, atópase o nome da autora e se baixamos un chisco máis, o nome da ilustradora. Por outra banda, na contracuberta observamos tamén unha serie de debuxos, principalmente plantas e algas mariñas e, no medio de todas elas, un pequeno resumo sobre o contido da obra en letra de cor vermella, aínda que non chama moito a atención. Trátase dun formato atractivo para os nenos e nenas xa que conta cunha gran cantidade de debuxos e de tonalidades, ademais de contar cun tamaño adecuado e ser facilmente manipulable.
Esta obra conta a historia de Fina, unha rapaza que,
tras un accidente que sufriu coa porta da súa casa dos Ancares, perdeu parte da
perna esquerda. O seu pai fíxolle unha prótese provisional de pau para que así
Fina puidese camiñar cando saíse do hospital e, cando ela volveu á escola,
todos os seus amigos e amigas lle dicían que semellaba unha pirata. Grazas a
isto, inventaron un xogo de piratas moi divertido na escola aínda que, con moitos inconvenientes; que non tiñan mar,
nin barco… Pero coa axuda da profesora conseguiron arranxalo. Xuntos viviron
moitísimas aventuras e experiencias ata que Fina recibiu a súa perna ortopédica e, polo tanto, deixou
de ser unha pirata. Aínda así, interesoulles tanto o mundo do mar que coleccionaron un milleiro de libros
relacionados co tema e Fina, de maior, quizais
se licencie en Ciencias do Mar.
No interior, despois de atoparnos cunhas gardas do cor
da area do mar cheas de pequenos debuxos tamén relacionados coa temática da
obra (barcos piratas, sereas, áncoras, peixes, etc.) e unha páxina na que se
nos volve amosar unha pequena imaxe da protagonista, Fina, atopamos a
portada. Nela repítese o título da obra na mesma tipografía que na cuberta, o nome da autora e da ilustradora e a
editorial.
En canto ao contido, destacar que se trata dunha obra
que combina o texto con ilustracións a dobre páxina, sendo estas últimas as que
máis espazo ocupan dentro do mesmo. As ilustracións son moi completas e
atractivas visualmente. Teñen un estilo figurativo, que representa con detalle
os diferentes personaxes e reflicten as emocións dos mesmos, os diferentes
ambientes ou lugares nos que suceden os acontecementos, etc.
Por outra banda, a obra conta con pouco texto, que
complementa ás ilustracións. Cabe destacar que o texto presenta o mesmo tipo de
letra ao longo de todo o libro, non resalta ningunha palabra ou expresión. O
que resulta atractivo do texto é que este se atopa inmerso nas ilustracións;
forma parte delas, e isto pode chegar a ser interesante para o alumnado.
Coa lectura desta obra, pódense traballar diferentes
temas dentro da aula de Educación Primaria que a propia historia trata tamén.
En primeiro lugar, as discapacidades físicas. Nesta
historia, a protagonista perde parte da súa
perna nun accidente e ten que ser capaz de continuar coa súa vida
adaptándose á nova realidade que lle toca vivir. É un tema
interesante xa que nas escolas, poden atoparse casos de alumnado con diferentes tipos de diversidade e discapacidade,
polo que é importante concienciar aos nenos/as da realidade.
Con esta obra tamén podemos traballar valores como a
amizade, a solidaridade ou o respeto. Neste caso, atopámolo nos compañeiros de
Fina que, sabendo a discapacidade que agora padece, sempre se preoucupan por
axudala e por adaptarse ás súas novas necesidades, por exemplo creando o xogo
dos piratas polo feito de que Fina semelle unha muller pirata coa súa nova pata
de pau. Tamén por parte da mestra, quen lles proporciona solucións á gran
maioría de problemas ou obstáculos que se lles presentan aos alumnos. O feito
de cooperar entre todos.
En último lugar, a motivación persoal. O feito de
buscarlle sempre o lado positivo ás cousas, aínda que pensemos que non hai
parte positiva, que é todo malo. É unha cuestión que considero moi importante
e, polo tanto, que se debe traballar dende pequenos co propósito de que os
alumnos e alumnas se sintan máis seguros de si mesmos.
Entre os recursos en liña a salientar sobre a obra son
os seguintes: O primeiro é un breve vídeo
no que Helena Villar Janeiro, a autora da obra, explica a importancia que ten concienciar aos nenos e nenas dende
pequenos de cuestións como poden ser a morte ou a perda, polo que se trata
dunha reflexión da propia autora sobre a súa
obra. Villar Janeiro, Helena. (26 de setembro 2019). Fina, a pirata. Nós televisión. Recuperado de: h ttps://nostelevision.gal/fina-a-pirata/
En segundo lugar, atopamos outro vídeo no que na
libraría Couceiro, situada en Santiago de Compostela, dúas mulleres conversan
sobre a obra da que estamos a falar; Fina,
a pirata. Nesa conversa destacan por exemplo os valores que se traballan
nela como a amizade, a cooperatividade… e tamén fan referencia á autora do
libro, Helena Villar. Libraría Couceiro: Fina
a pirata. (11 de setembro de 2019). El
Correo Gallego. Recuperado de: h ttps://www.elcorreogallego.es/hemeroteca/libraria-couceiro-fina-pirata-CQCG12023 4 7
Ningún comentario:
Publicar un comentario